TAREFA 28 DE MAIO.

DESEXÁMOSVOS UN FRUCTÍFERO DÍA, CHIRIBITEIR@S!

“ O que sube unha escaleira ten que empezar polo primeiro chanzo” w. Scott). E iso é o que imos facer nesta tarefa programada para hoxe e centrada na Unión Europea ( U E).

PRIMEIRO CHANZO:                    

a) Define as palabras seguintes,empregando o dicionario: PLANETA, CONTINENTE, PAÍS, COMUNIDADE AUTÓNOMA, PROVINCIA, CIDADE E VILA.

b) Sitúa as palabras do exercicio anterior nesta pirámide, tendo en conta a súa extensión.

c) Situamos no planisferio os seis continentes e os océanos que os bañan.
 Se queredes  escribir na imaxe podedes usar o Paint. Os pasos serían os seguintes:
1. Pinchar co botón dereito enriba da imaxe e clicar "Guardar imagen como".
2. Gardar a imaxe nun cartafol ou no escritorio.
3. Abrir o Paint e seleccionar "Nuevo".
4. Arriba a esquerda pinchar en "Menú".
5. Clicar en "Insertar" e buscar a imaxe que acabades de gardar.
6. Cando apareza a imaxe, arriba pinchar en "Texto", na parte dereita podedes seleccionar tipo de letra e tamaño e xa podedes escribir enriba da imaxe. 
Ollo! Para colocar os distintos nomes nos continentes e océanos no seu sitio tedes que ir nome por nome, e para poñer unha palabra nova, pinchades na "T" que aparece á dereita cara arriba.
7. Ao rematar, pinchades en "Menú" e seleccionades "Guardar como", para gardar o voso traballo.

d) A que nos referimos cando falamos dun planisferio? E dun hemisferio?

e) Contesta verdadeiro (V) ou falso( F) as seguintes preguntas e corrixe as falsas.

• Os continentes sitúanse no cume da pirámide en relación a organización territorial do planeta.
• Asia atópase situada ao noroeste de Europa.
• No noso planeta está formado por sete continentes.
• Europa limita con Oceanía.
• As cidades e os pobos son as unidades territoriais menores do noso planeta.
• No planeta hai catro océanos.

  SEGUNDO CHANZO:            

Agora toca centrarse no noso continente: EUROPA!

OS LÍMITES DE EUROPA

a) Risca os límites que se colaron por error na seguinte lista de palabras: Océano Pacífico, Océano Glacial Ártico, Mar Mediterráneo, Cordilleira dos Andes, Océano Atlántico, Montes Urais, Cordilleira do Cáucaso, Filipinas e Cordilleira dos Andes.

b) Sitúa os límites de Europa no mapa seguinte

c) Consideras que Europa é un continente aillado e pouco definido? Xustifica a túa resposta nun parágrafo ben xeitoso.

d) Sitúa neste mapa  o nome dos países polo que está formado o noso continente. 

OS PAÍSES EUROPEOS

Completa  cada zona europea co nome dos países que corresponden en cada caso ( xa está colocado o primeiro)

SITUACIÓN DE ESPAÑA NO CONTINENTE EUROPEO

Lembra que España, Portugal e Andorra forman a Península Ibérica. Unha península é unha extensión de terra rodeada de mar por todas as partes menos por unha.

e) Fixándote ben no mapa que acabas de encher, onde está situada España? Cal é a súa superficie?

f) Completa as frases seguintes:

• Cal é a illa máis grande de Europa? 
• Cal é o país máis pequeno en extensión de Europa?
• Dos cinco continentes do planeta e de menor a maior extensión, que lugar ocupa Europa?
• Que día se celebra o día de Europa? Que feito é o que se celebra?
• Por cantos países está formada Europa?
• Que accidente xeográfico separa Europa de Asia?

PARA QUE REPASEDES OS PAÍSES DE EUROPA, VELAQUÍ UN PEQUENO ENREDO.

Este é un traballo para varios días, ata o martes non voltaremos a pór tarefa, organizádevos con calma. Despois subiremos as solucións para que vos corrixades. 
Moito ánimo e a traballar!

AVISO

Mañá as 12 horas teremos unha videoconferencia


cada clase coa súa titora. Será por Webex como a 


última  vez, na entrada de mañá recordarémosvos 


como tedes que facer para conectarvos.