TAREFA 18 DE XUÑO

E AQUÍ CHEGAMOS Á DERRADEIRA ACTIVIDADE DESTE CURSO TAN PECULIAR. MAÑÁ COLGAREMOS O SOLUCIONARIO DE TAREFAS QUE FIXÉSTEDES EN DÍAS PASADOS.

TAMÉN MAÑÁ VENRES ÁS 13:00 HORAS TEREMOS UNHA ÚLTIMA VIDEOCONFERENCIA, CADA CLASE COA SÚA TITORA. NA ENTRADA DE MAÑÁ RECORDARÉMOSVOS O EN LACE PARA ENTRAR.

Frase do día: “ A educación é a arma máis poderosa que podemos empregar para cambiar o mundo”Nelson Mandela.

SUBIMOS UN CHISQUIÑO MÁIS...

Á UNIÓN EUROPEA (UE).

Martín ten pensado facer unha viaxe a Eurodisney (París) este verán (se o COVID 19 llo permite) porque a situación de alerta sanitaria que padecemos impedíullela nas vacacións de Semana Santa. Para levar a cabo esta viaxe, precisa saber a documenación que lle vai facer falta. Os seus compañeiros de 6º comentáronlle que pode desprazarse co DNI, se o país que vai visitar (Francia) pertence ao espazo Schengen, polo tando axudade a Martín a resolver estas cuestións para que a súa viaxe sexa todo un éxito.

       

a) Colorea neste mapa de Europa os países que compoñen a Unión Europea (UE).

b) Averigua cales son os fins e obxectivos da UE.

d) Explica que beneficios cres que lle pode supoñer a Martín formar parte da UE, tanto a día de hoxe como nun futuro: nivel persoal, formativo,laboral e de ocio (por suposto).

e) Saber que é o espazo Schengen e que países o compoñen.

g) Coñecer a documentación básica necesaria para os desprazamentos por Europa, tanto no caso de menores como de maiores de idade.

Para que poidas levar a cabo mellor as actividades anteriormente propostas. Velaquí un exercicio que é unha auténtica pista.

    1. Contesta verdadeiro (V) ou falso (F) nas frases seguintes e razoa a túa resposta.

• Os seis estados europeos primeiros foron: Francia,España, Belxica, Luxemburgo, Italia e Países Baixos.

• A partir do 01/01/1.999 o euro pasou a ser moeda única en Europa.

• A unión europea está formada por 27 países.

• O que se pretende é que a cidadanía europea non circule libremente polos estados que a forman.