BO DÍA, CHIRIBITEIR@S!
Como vos vai todo? Esperamos que ben, porque para a tarefa de hoxe ides precisar de todos os vosos folgos.
Comezamos dicindo que é unha actividade voluntaria, xa que é probable que necesitedes axuda e non todos contaredes co material necesario. Aqueles que o fagades podedes mandarnos fotos ou gravar un vídeo e irémolos subindo ao blog.
Ánimo!
AUTÓMATAS DE CARTÓN
Chamamos autómatas de cartón a
un tipo de escultura mecánica
feita con materiais simples que
permiten narrar historias.
Cando os constrúes podes explorar
elementos mecánicos simples, como
levas, pancas ou unións como parte
dun xogo.
Este tipo de autómata permite
construír rapidamente mecanismos
funcionais, mentres elaboras as
ideas para a túa escultura
mecánica.
PROBA!
Recompila estes materiais para
construír o teu autómata.
- Unha caixa de cartón pequena( 15x15cm aproximadamente)
- Láminas de goma EVA
- Pallas para beber de papel
- Cinta de carroceiro
- Tesoiras, pistola e barra decola térmica
- Torcas e arandelas( para facer contrapeso)
- Un lapis
- Un cravo ou parafusopara que poidas facer buratos no cartón.
OUTROS MATERIAIS…
Tamén precisamos doutros materiais
para a narración que imos crear
enriba do autómata.
Podes empregar pranchas máis finas
de goma EVA e outros materias coma
plumas, cortiza, ollos, feltro de
cores e outras cousas divertidas para
a túa historia ou como decoración.
EMPEZAMOS!
Quita as aletas superiores e inferiores
da caixa deixando un cadrado aberto.
Garda estas pezas xa que poden ser
útiles máis adiante.
Corta a caixa formando dous ou máis
bastidores cadrados duns 7 centímetros
de ancho.
Para que o bastidor sexa máis estable,
corta uns triángulos de cartón e pégaos
con cola térmica en esquinas opostas.
Tamén podes usar cinta adhesiva, pero non aguantará tanto.
MOITO OLLO!!! 👀
O elemento que xira coa manivela chámase leva. O que se apoia enriba da leva e móvese segundo a forma e a posición da mesma, é o seguidor da leva. O seguidor transmite o movemento aos elementos que están sobre a caixa para dar vida á escultura.
A forma de colocar as levas e os seguidores determinan o comportamento dos elementos animados. Estes son algúns movementos fáciles de conseguir:
- XIRO E XIRO
- ARRIBA E ABAIXO + XIRO E XIRO
- DEREITA – ESQUERDA
Tamén podes intentar outros movementos
interesantes, aínda que algo máis complexos.
- DE LADO A LADO.
- ARRIBA E ABAIXO
PARA FACER O MECANISMO...
Debuxa a leva e o seguidor sobre a lámina máis grosa
de goma EVA (podes empregar un tapón ou calquera
outro obxecto circular como plantilla).
Truco: Ao cortar os bordes das levas procura que queden lisos, sen estrías , e asegurándote de que o seguidor é un pouco máis grande que a leva. Cando fagas novos autómatas aproveita para probar con outros tamaños e formas e ver como afectan ao movemento.
 |
Espeta unha leva nun pau de brocheta dentro do bastidor.
Truco: Para facer buratos no bastidor empeza cun cravo ou parafuso. Asegúrate de que a leva non choca nin arriba nin abaixo. Non pegues aínda a leva.
Corta uns cadrados pequenos de goma EVA e empúrraos dende cada un dos estremos do pau, para fixar o eixe no seu sitio.
Truco: Non os pegues aínda.
Fai un burato na parte superior do bastidor, na zona onde queiras colocar o seguidor da leva, e mete un anaco de palliña de refresco. A palliña debe saír por enriba e por debaixo do bastidor para que se estabilice o movemetnto do pau. Pégaa con moito coidado coa cola térmica.
Truco: A punta do lapis é unha boa ferramenta para facer máis grande o burato pouco a pouco, de xeito que a palliña caiba sen se caer.
Espeta o pau a través da palliña, e coloca o seguidor da leva no estremo inferior do pau.
Pega o seguidor da leva ao pau.
Pega o seguidor da leva ao pau.
Truco: Se o seguidor non cae ata a leva, ponlle unha torca, ou unha arandela antes de pegalo, para engadir un pouco de peso ao conxunto.
Proba a cambiar a posición da leva, e quizais atopes movementos distintos.
PROBA O MECANISMO...
Axusta a leva baixo o seguidor ata que corrixas o movemento que che interesa. Despois pégaa ao eixe.
Fai unha manivela
Corta un pequeño rectángulo das aletas da caixa de cartón e pégao no eixe de madeira.
Pega outro anaco de pau noutro lado do rectángulo, de xeito que formen unha manivela.
CONSTRÚE O TEU RELATO.
Unha vez que o mecanismo funcione, podes pasar a ver ao autómata dende outro punto de
vista e imaxinar que se pode mover enriba da caixa. Pensa en cousas que xiran, rebotan ou saltan.
SE QUERES IR MÁIS LONXE
MADEIRA.....
A madeira é unha boa alternativa ao cartón
para facer autómatas. Nestas montaxes
empregamos un bastidor de madeira en vez
do de cartón, varillas de madeira en vez de paus de brocheta e cravos e parafusos no canto da cola térmica. Cortar discos ou outras formas en madeira pode ser máis difícil, pero é unha boa ocasión para perdeccionar as vosas habilidades.
ARAME.....
Os autómatas de arame son outra forma de explorar elementos mecánicos básicos. É unha boa idea adicar un tempo a construír figuras dobrando arame antes de lanzarse a montar o mecanismo do autómata. Emprega fío de cobre, para que sexa doado soldar as unións en caso necesario. Podes empezar aprendendo a facer manivelas, acoplamentos e pomos con arame. Logo podes seguir engadindo outros elementos ou pezas de madeira ao teu mecanismo.
MATERIAL DE REFUGALLO.....
Tamén podes rebuscar o que necesitas nos contedores de reciclado. Podes utilizar botellas de plástico ou latas de aluminio. Outra cousa que podes facer é dar unha volta polos arredores.
Facer autómatas con distintos materiais é un reto, que estás disposto a asumir, se queres ir máis lonxe do cartón, NON SI?
Facer autómatas con distintos materiais é un reto, que estás disposto a asumir, se queres ir máis lonxe do cartón, NON SI?
A QUE ESPERAS PARA EMPEZAR O TEU AUTÓMATA?
Aquí vos deixamos un vídeo para que vos quede un pouquiño máis claro.
No hay comentarios:
Publicar un comentario